فارس: 9 أشهر سارقين مني فرحتي وحياتي وعروستي!


05 May
05May
LOBNAN.NET WHATSAPP GROUP
إعلان خاص

فارس: 9 أشهر سارقين مني فرحتي وحياتي وعروستي!
بكلمات مؤثّرة تدمي القلوب، استذكر جيلبير قرعان خطيبته شهيدة فوج إطفاء بيروت، سحر فارس، التي استشهدت مع رفاقها في فوج الإطفاء جرّاء انفجار مرفأ بيروت المشؤوم في 4 آب 2020.


وكتب جيلبير عبر حسابه على "فيسبوك": "عروستي الحلوة البطلة 9 أشهر يا مجرمين، 9 أشهر صرلكن سارقين بنت حلوة طموحة الدني مش سايعتها والضحكة عطول على وجها، 9 أشهر صرلكن سارقين مني فرحتي وحياتي وضحكتي ومستقبلي وهدفي وعروستي، 9 أشهر نحنا وعم نبكي دم وقلبنا عم يحترق اكتر كل يوم، 9 أشهر صرلكن قاتلين بنت عرسها كان بعد شهر، ما خليتوها تلبس فستانها الأبيض يلي كنت احلم شوفا في ويلي كنّا عم نكدح كرمال هيدا النهار، خليتوني شوفا بغير أبيض من 9 أشهر يا مجرمين يا بلا ضمير، الله يغضب عليكن ويردلكن ياها أضعاف بحق حرقتنا وجعنا دموعنا وصلواتنا".


وأضاف: "بقول أوقات يا سحّورة نيّالك، نيّالك صرتي بالمطرح يلي بيشبهك، يلي متل قلبك وروحك ونفسيتك، نيّالك خلصتي من قرف الدني ووسخها وصرتي بحضن الآب السماوي لو تعرفي بس قديش عيوني مشتهيين يلمحوكي يا عيوني أنت لو تعرفي قديش حابب اسمع صوتك وصوت ضحكتك لو تعرفي قديش أنا بحاجتك وبحاجة حنانك يا حنونة، اشتقتلك كتير يا سحر كتير، اشتقتلك يا قلب جيلبير وروح جيلبير والهوا يلي بيتنفسوا جيلبير".


وتابع: "خلي عينك عليّي يا قدّيسة وزوريني لو ثانية وحدة بالحلم خليني شوف عيونك الحلوين الكبار السود".


وختم بالقول: "بحبك لآخر نفس يا عروس وطول معم اتنفس حبك رح يكبر بقلبي أكتر وأكتر".

Social media LOBNAN.NET


تعليقات
* لن يتم نشر هذا البريد الإلكتروني على الموقع.